Le proiet firmé dal stüde de injeniers IPM – Markus Pescollderungg y Udo Mall da Bornech é bele daté de merz dl 2020. I baiun dla orenté dla Sozieté di Lifc d’Al Plan da realisé na secunda pista dlungia la "Erta", che é n iade portada ite cun l’inom "Erta 2". Canche i contatun le presidënt dla Sozieté di Lifc Georg Mutschlechner, nes dijel n iade atira che la cossa n’é nia ciamó daldöt madüda, che le proiet mëss ciamó gní otimisé y che al ne gnará sigü nia realisé iniann.
Dl ater vers él da dí che la Junta dl Comun de Mareo á bele aprové le proiet te süa sentada di 17 de jügn y che ince la Comisciun dl Frabiché á dé so arat positif tla sentada di 29 de ma. Ci che fala ciamó, é le bëgnsté da Balsan.
Deplü sön le proiet dla pista y i dac tecnics fora dl proiet ciafëise t’La Usc di Ladins di 10 de messé (pablo)
Ciafa la "Erta" na so?
La Sozieté di Lifc á presenté n plan por la realisaziun de na secunda pista "Erta", cun chëra che an pënsa ince al’eventualité de n slalom de copa dl monn
Galaria retrac
View the embedded image gallery online at:
https://www.lausc.it/valedes-ladines/val-badia/13024-ciafa-la-erta-na-so#sigProIdb2fd3fcdb9
https://www.lausc.it/valedes-ladines/val-badia/13024-ciafa-la-erta-na-so#sigProIdb2fd3fcdb9