Les "prömes" manifestaziuns pëia ia

Data

09 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Mostra coletiva di 60 agn dl’EPL-Ert por i Ladins a Bornech, novité "proieziun de films" tla Val dl’Ert a San Martin de Tor. Badia Musica müda le program da d’isté y proponn por agost y setëmber chë desëna de conzerc cun solisć y de pici grups
La sajun turistica é piada ia y cun ëra ince i sorvisc y l’oferta por le scior y la jënt dl post. Al é ri da savaié che "döt vá bun" te chisc tëmps dl coronavirus, les desposiziuns anticoronavirus é rigoroses por tigní sorvisc y hotí daverc. Döt pé che funzionëies, mo ma "zacó" y nia ala manira che an é ausá da agn.
Le plü ert da tó sö indó les ativités de proes y conzerc se fej les Musighes y i Cors te nüsc paisc, al plü röion adöm scialdi ma por proes te grups y reghistri. Al é saurí da capí che te chësta situaziun y te chëstes condiziuns n’é la motivaziun nia la miú. A perde vá la sozialisaziun y l’uniun dles porsones y generaziuns ti paisc, y les compagnies á manco poscibilités da s’induné por ester creatives y imparé ite deboriada val’ conzert o proiet cultural.
Da sotvaluté n’él gnanca la responsabilité che i presidënc dles uniuns y i organisadus á, tan inant che ai mët a jí val’ evënt. De chësc vers é les desposiziuns de lege tleres: i iniziadus y gesturs dla manifestaziun á da respeté les desposiziuns anticoronavirus por la logistica, la tecnica y la presënza dla jënt. L’informaziun de comportamënt por i colaboradus y la jënt vëgn avisada cun i dër avisc y informaziuns aladó.

Liéde do deplü tla ediziun de La Usc di Ladins nöia da indoman!