Al é dis de nominaziuns por les sozietés di lifc. Mefodër en mercui ai 29 de messé êl gnü le comunicat che al ê mudé la presidënza dl Dolomiti Superski, olache Andy Varallo é gnü presidënt y Zeno Kastlunger vize. Le medemo de él sté nominaziuns ince tl raiun de Plan de Corones, olache al é sté la sentada generala dl Skirama - le consorz dles sozietés di lifc incër la munt dai schi, cun lapró i lifc de paisc da Terenten, Antermëia, Antholz y Gsies. Al ordin dl de dla sentada êl ince la nominaziun dl Consëi d’Aministraziun, olache al é gnü confermé Matthias Prugger, Zeno Kastlunger y Christian Gasser. Le Consëi restará en ciaria por 3 agn.
Atira do la generala s’á le CdA senté adöm y á nominé l’inj. Zeno Kastlunger sciöche presidënt. Al tol ite le post de Matthias Prugger, che é sté a ce dl Skirama 12 agn alalungia. Vize é gnü Christian Gasser. (pablo)
Zeno presidënt
L’inj. Zeno Kastlunger d’Al Plan é gnü nominé presidënt dl Skirama Plan de Corones
Galaria retrac
View the embedded image gallery online at:
https://www.lausc.it/valedes-ladines/val-badia/13201-zeno-president#sigProId71a36c4af7
https://www.lausc.it/valedes-ladines/val-badia/13201-zeno-president#sigProId71a36c4af7