Por la "inteligënza y sansibilité" de so cianté Lied le lalda "Opera Today" y ince la Süddeutsche Zeitung alza fora che söa usc sona "sovrana, mo impó sterscia y intratan dantadöt tan personala". Atualmënter rapresentëia André Schuen Guglielmo tla opera de Mozart "Così fan tutte" ai Salzburger Festspiele. Tla sajun 2020/21 sará le baritona badiot da odëi y aldí ala "Bayerische Staatsoper", ala "Wiener Staatsoper" y pro serades de Lieder a Hohenems y Schwarzenberg. "I crëii che al sides n dejider do les impresciuns che la Lied y la Operea pó trasmëte al spirit uman, y i sun contënt che la DG ('Deutsche Grammophon') vëiga na süa funziun tla misciun da ti porté daimpró chësta esperiënza al numer plü alt de porsones", dij André Schuen.
La DG á programé por l’aisciöda 2021 la pröma publicaziun de n album cun la usc de André Schuen che interpretëia Lieder de Schubert fora dl cërtl "Die schöne Müllerin". Bele sëgn danfora á la DG dé fora na cercia de chësc proiet, cun la Lied "Ungeduld", che an pó ascuté y desćiarié te internet.
Le podëi dl bel cianté
Le bariton da La Val André Schuen á sotescrit le contrat esclusif cun la firma y etichëta conesciüda "Deutsche Grammophon"
Galaria retrac
View the embedded image gallery online at:
https://www.lausc.it/valedes-ladines/val-badia/13373-le-podei-dl-bel-ciante#sigProId3c6f4fdab3
https://www.lausc.it/valedes-ladines/val-badia/13373-le-podei-dl-bel-ciante#sigProId3c6f4fdab3