La Usc di Ladins

Otto Rubatscher ê sté agn orghelist dl dom da Porsenú, dal 1962 inant, sciöche suzessur de siur Fonjo Frontull (1901 - 1966) da La Pli de Mareo.

Otto ê fi de n paur ala munt sö sot Pütia. Al ê nasciü ai 9 de forá dl 1929 a Antermëia sön le lüch dl  Maier, che portâ por diesc armënc. I geniturs de Otto ê Hones Rubatscher (+1933) y Angela Moling (+1971) de Gröpa. Le pere ê sté capocor a Antermëia. So fre siur Pire (1893 - 1974) ê sté degan tla Val Badia.

Dlungia süa funziun da orghelist dl dom ê sté Otto Rubatscher ince mëmber dla Comisciun diozejana dla musiga de dlijia y surastant dla Comisciun di Orghi y insegnant tla scora de musiga sacrala da Porsenú. Tröc orghelisć á imparé la maestria dal maester Otto Rubatscher. Che al páles tla pesc de Di!  (Iaco Rigo)