La Usc di Ladins

Por le setimo iade él gnü surandé ai 4 de setëmber i pesć »KlimaHaus Awards«, dá fora dala Ajentöra CiasaClima dl Südtirol por frabiches che se desfarenziëia te na manira particolara por carateristiches sciöche regionalité ti materiai de costruziun, sostenibilité, ecologia, adatamënt ala contrada y d’atri. Danter i premiá da iniann él ince la »ciAsa Aqua Bad Cortina« a Al Plan de Mareo, realisada dala familia de Nicol Alberti y Sandra Mutschlechner, y proietada dal stüde de architëc Pedevilla da Bornech, che á sües raisc familiares a Pliscia te Mareo.
La »ciAsa«, sciöche ara é gnüda batiada, é na CiasaClima A, olache an á adoré da frabiché materiai dl post dër particolars, danter chisc peció rosedé dala tempesta "Vaia" sön les tëmples da La Pli, o pera dolomitica ciafada da San Ciascian ite.

Nos un albü l’ocajiun da cuché ite. Deplü sön chësta ciasa ciafëise t’La Usc di Ladins di 4 de setëmber  (pablo)