Por set iadi sö y jö söla Forcela de Mesdí

Data

07 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I 8.848 metri de Everest por Daniel y Maximilian, y ai é tla Hall of Fame Run dl Everesting Italy
Al ê le 1994 canche n jonn britanich de inom George Mallory â arjunt cun la roda na soma de 8.848 m de deslivel indolater. Chësta altëza recorda chëra dla piza plü alta dl monn, la munt dl Everest. Tl 2014 é chësta desfida – arjunje i 8.848 m de deslivel – gnüda ufizialisada da n grup de ziclisć australians.
La maiú pert proa fora söa forza y condiziun fisica y mentala cun la roda, n valgügn saltan. Chësc é le caje de Daniel Crepaz, n jonn da San Martin de Tor, che á adöm cun Maximilian Profanter arjunt la Forcela de Mesdí ia en Fones, por 7 iadi indolater. Insciö s’á tramidui davagné n post tla Hall of Fame Run dl Everesting Italy. 
Daniel Crepaz á respognü a nostes domandes, da sciöche döt á metü man cina la sodesfaziun personala che n te’ travert ti dá.

"Zënza ponsé sura dui iadi"

I ti ún damané sciöche ai s’á organisé y da olache ai á tut l’idea. A chësta domanda á respognü Daniel: "Por arjunje le travert ól n iade ester n tru, na trassa/ruta, poscibilmënter cun tröc metri de deslivel, olache te jaras sö y jö cina che t’as arjunt i 8.848 m dl Everest, chësc mësson fá te un n iade, zënza dormí. Al é de oblianza ince jí jö a pe, na pert bindebó sfadiosa. Por l’organisaziun él scialdi sté mi compagn Maximilian che s’á cruzié, ël á contaté la iuria de chësta gara y revalité, na challenge, yi ultims dis unse spo ciaré da organisé che i ésson da mangé y da bëre y che i ésson albü – vigni ota che i fosson rová jö te plaza da parché – la poscibilité da se mudé y che al foss sté valgügn che ess podü se daidé. L’idea á ince ël albü, tratan la stlüta por le coronavirus, ël m’á damané sce i foss sté a öna da fá para. Zënza ponsé sura dui iadi ái dit de sce. Plü che le tëmp passâ y plü che i realisâ ci che al orô dí fá tan de metri de deslivel, i me ponsâ che al ne foss nia sté tan saurí, mo canche i ún porvé 2 iadi la Forcela de Mesdí ái ciafé la motivaziun ince por me mëte ala proa y por porvé fora mi limic."

De plü tla ediziun stampada de La Usc di Ladins da en vëndres che vëgn (ai 11 de setëmber 2020)!  (Lucia Piccolruaz)