La Usc di Ladins

Canche al vëgn metü fotografies de d’atres porsones te internet o publicades de val’ vers, spo mësson dagnora tigní cunt che vignun á le dërt che al vëgnes stravardé so retrat. La lege 633/1941 dá dant che an ne pó nia publiché le retrat de na porsona zënza so consëns, ater co ti caji olache la publicaziun é iustificada dla notorieté de chësta porsona o dla funziun publica che ara á. Insciö pón ince publiché le retrat de zacai por motifs de iustizia o polizia, por finalités scientifiches, didatiches o culturales, o canche le retrat é lié a manifestaziuns publiches.

Liéde do deplü tla rubrica dla avocata Manuela Obojes tla ediziun stampada y söl e-paper de La Usc di Ladins da indoman!