La Usc di Ladins

Olá éres pa da ciafé, les publicaziuns dla ULVB? Da en chësc ann, nia ma plü online tl bookshop y te Istitut Ladin Micurá de Rü, mo bëgn ince te botëghes desvalies dla Val Badia, plü avisa tla botëga "Mascotte" a Al Plan, tla botëga "Malbo" a Pidró y tla botëga “da Mario” a Corvara. Sce i ëis interes por nostes publicaziuns o sce i chiris na bela scincunda, passede a dé na odlada te chëstes botëghes. Al pó ester che i ciafëise val’  publicaziun dla ULVB che se plej.
A chësta manira tolunse spo ince l'ocajiun de rengrazié düc chi che cumprará de nüsc früc: insciö sostignëise concretamënter nosta ativité, l'arichimënt dl patrimone cultural y fajëis vire nosc bel lingaz dla uma.