L’orghe de dlijia da La Pli de Mareo, metü adöm tl ann 1855 dal costrutur d’orghi Josef Aigner da Schwaz, â bele da val’ agn mostré sëgns de veciaia y an â scialdi atira capí che al ê gran ora da fá val’ por mëte a post y insciö conservé n orghe cun na te’ gran valüta dantadöt musicala, mo ince storica. Bele l’ann 1853 á le ploan y degan Josef Alois Verginer sciacaré y fistidié da lascé fá n orghe de dlijia a un n manual y 17 registri. Tl ann 1886 á Franz Reinisch da Steinach metü lapró n secundo manual y fat ciamó d’atri mioramënc. Ti agn él plü gonot gnü fat de pici cambiamënc desco la tastadöra, i pedai o les pipes fates do de zinch tratan le tëmp de vera. Le Consëi de Ploania adöm cun le cor de dlijia y la Comisciun di Orghi dl Südtirol á spo tut sö contat cun esperc, ciaré ci che al jô debojëgn da fá y á spo invié ia le ressanamënt.
En sabeda ai 17 d’otober án spo podü fá festa a La Pli. Dales 17:00 s’á la popolaziun, cun dötes les precauziuns dl momënt, induné te dlijia por i Öspi da festa.
Deplü podëise lí t’La Usc di Ladins di 30 d’otober (Samuel Agreiter)
L’orghe rondenësc indó
En sabeda, 17 d’otober 2020 éra stada tan inant: a La Pli de Mareo án podü benedí l’orghe de dlijia ressané
Galaria retrac
View the embedded image gallery online at:
https://www.lausc.it/valedes-ladines/val-badia/13888-l-orghe-rondenesc-indo#sigProId15fff4e596
https://www.lausc.it/valedes-ladines/val-badia/13888-l-orghe-rondenesc-indo#sigProId15fff4e596