Speedchecks nüs

Data

17 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A La Ila, sön la strada Colz, al’altëza dl Hotel Diana, él gnü metü sö n speedcheck nü.
Ince sce al é tl zënter de n paisc, se trátel de na trassa olache auti, camions y motors vá ion debota. Ara jô porchël debojëgn da limité la velozité. "Por podëi istalé n speedcheck ól ester l’autorisaziun da pert dla Provinzia – nes spliga le polizist de Comun, Franz Dapoz, che dij inant – Ai pó ma gní metüs fora te posć olache al é bele sté denant inzidënc, o che é de prigo. Insciö án podü mëte le speedcheck tl zënter da La Ila, deache por nü mëisc al ann, tratan l’ann de scora, él chiló chi 400 studënc al de che passa ia la strada y che aspeta la coriera." Tröpes é les domandes che röia ite ai polizisć de Comun por podëi mëte sö speedchecks, mo al n’é nia tan saurí. Zënza na dërta motivaziun y l’autorisaziun da pert dla Provinzia ne vára nia. N speedcheck nü él ince gnü metü fora sön la strada Damez, denanco rové a Pedraces. Chiló n’êl bele un, jon jöpert sön la man dërta. Chësc é gnü tut demez deache d’invern, canche al ê da nëi, ne jôra nia da ti rové pormez. Porchël n’él gnü metü fora n nü, sön l’atra pert dla strada. kp  (kp)