Na ponsiun ai artisć

Data

19 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tl Trentin y te Südtirol ciafará artistes y artisć dal 2021 inant 500,00 euro de contribut por ativé na ponsiun complementara. I cater assessurs provinziai ala cultura a Balsan y Trënt sotrissëia l’importanza dla mosöra
Cun 500,00 euro de contribut anual gnarál sostigní dala Regiun i artisć y les artistes tl Südtirol y tl Trentin. Le dessëgn de lege é gnü aprové incö ai 18 de novëmber dal Consëi regional.
I assessurs Daniel Alfreider, Philipp Achammer y Giuliano Vettorato adöm cun l'assessur por la cultura Mirko Bisesti dij de ester contënc dl'aprovaziun dla lege por ci che reverda la ponsiun complementara de artisć y artistes. Por i assessurs él n vare concret por sostigní le setur dla cultura cun n contribut de 500,00 euro por artisć y artistes che á intenziun da ativé na ponsiun complementara, dantadöt ince te na situaziun plëna de dificoltés sciöche chëra atuala.
Por l'assessur ala cultura ladina Alfreider é chësc n vare important "por sostigní ince te na manira economica i artisć y les artistes te na situaziun de dificolté, implü él nosc obietif da renforzé la profescionalité te chësc setur". Por l'assessur ala cultura todëscia Achammer él gnü arjunt n resultat important por la cultura locala. "Tla Talia n’él degun fonds sozial dla ponsiun por artisć. Cun chësta mosöra unse orü curí chësta locia", insciö Achammer. L'assessur ala cultura taliana Vettorato recorda che chësta mosöra fej pert de na lingia de scomenciadies a sostëgn dla cultura, ince a gauja dla situaziun de pandemia che á atoché le setur.
Tla categoria de artisć él n gröm de laurs che toma ite sciöche por ejëmpl i scriturs, i aturs, i depenjadus, scolturs y scenografs. Chisc vëgn nominá te regolamënc provinziai aposta. Por avëi le dërt da se anuzé dl contribut mëss le artist o la artista ester residënt/a da almanco dui agn tla Regiun, fá sües ativités en gran pert tla regiun y avëi na certa posiziun economica. Les modalités plü avisa vëgn ciamó laurades fora a livel provinzial. L'atuaziun de chësta mosöres dess gní a s’l’ dé tl 2021, al é preodü n import complessif de 500.000,00 euro por chësta mosöra por l'ann 2021.