Cun la situaziun sanitara atuala él cotan de porsones che ne sciafia nia, che ne s’infida nia o che ne dess forsc gnanca jí massa danter jënt, deache ares toca pro les categories a prigo. Tres deplü é ince les porsones che é en carantena por gauja dl virus, numer che podess crësce cis chisc dis che al vëgn fat la campagna de tesć. Le Sorvisc ai Jogn Val Badia en colaboraziun cun i cin’ comuns dla valada ó porchël ti dé n sostëgn ales porsones che ne sciafia nia da jí a se cumpré ite da sores, y á metü en pé n sorvisc aposta, che pëia ia da atira. Le sorvisc s’oj a jënt de tëmp o en carantena, che n’á nia la poscibilité da jí a cumpré ite.
Por la jënt che á debojëgn
Jënt de tëmp o en carantena che adora zacai che vá a ti cumpré medejines o alimënc, pó telefoné te so comun de residënza, che fej spo inant o dá les informaziuns che ó ester.
Sce t’os daidé para
Al vëgn ince chirí jogn y jones che se mët a desposiziun da jí a cumpré ite. Chi che foss a desposiziun, pó se lascé adintëne te Sorvisc ai Jogn al 0474 523070 o pro n colaboradú dl SaJ. I jogn mëss avëi complí 18 agn, avëi n auto, ester sagns y avëi buna orenté (pablo)
Tla Val Badia: adoreste zacai che vais a cumpré ite?
Le Sorvisc ai Jogn Val Badia organisëia – deboriada cun i comuns dla valada – n sorvisc da jí a cumpré ite por jënt de tëmp o jënt en carantena. Al pëia ia da atira y al vëgn chirí jogn che dëida para
Galaria retrac
View the embedded image gallery online at:
https://www.lausc.it/valedes-ladines/val-badia/14030-tla-val-badia-adoreste-zacai-che-vais-a-cumpre-ite#sigProId267c0305ab
https://www.lausc.it/valedes-ladines/val-badia/14030-tla-val-badia-adoreste-zacai-che-vais-a-cumpre-ite#sigProId267c0305ab