La Usc di Ladins

Tl apartamënt de Siur Heinrich Videsott, a La Val, gnôl perié n iade al mëis la corona. Al ê dagnora dër tröc fedei che tolô pert. Chësc dan le virus. Dedô n'an nia plü podü le fá. Insciö s'á i mëmbri dl'assoziaziun »Amici di don Enrico« ponsé da ti rové pormez ai fedei tres l'internet y da trasmëte vigni sëra sön Facebook y Youtube la corona. »Al é na idea che é nasciüda te na manira dër spontana – nes cunta Michela Comploi – che é contënta da podëi insciö jí sura i confins fora y trá ite fedei ince da plü dalunc. »Bele les prömes sëres êl chëres 50 porsones che ascutâ pro la corona«, nes díjera. La corona é da ascuté vigni sëra dales 19.30 sön Youtube, se scrion ite al canal »Amici di don Enrico – Freunde von Pfr. Heinrich« y sön Facebook sön la plata »Videsott Heinrich Enrico«.  (kp)