N gröm de lignan

Data

30 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I laurs da lauré sö lignan vá inant
Ince te chësc mëis de novëmber é jü inant n pü’ te döta la valada le gran laur por romené sö i danns gaujá te nüsc bosc da Vaia 2018 y dales gran nëis 2019. Insciö ince a Al Plan de Mareo, olache al vëgn lauré cis dassënn tla Val de Rît (Büsc dal’Ega y tl raiun di gran bosc). Iló él dites dl post, privac y ince dites dl’Austria che laora por romené sö na spersa che vá dai 200 cina 300 hectars. De gran piruns de lignan ciafon daite da Runcac, sciöche ince daite da Le dla Crëda, dan Plan dles Stries ch’an dij. A chësc lignan s’injunta les desënes y desënes de camions plëgns de taies che s’un vá da Mareo demez bele mëisc alalungia. Lauré vëgnel ince de d’atri versc, sciöche a Mantëna d’Al Plan, olache al é baldi sozedü en sabeda na burta desgrazia che ti á costé la vita a n laurant. De gran piruns de lignan ciafon ince a Rina sön la plaza denanche pié sö cuntra Munt da Rina. Döt chësc desmostra ci dann che le rî tëmp á fat chisc agn te nüsc bosc. Lauré sö le lignan é sambëgn important, por baní le plü che ara vá le prigo dal chefer dla scorza.  (pablo)