La Usc di Ladins

La Usc: Wolfi, al é le secundo iade iniann che ativités de bar y bistrot mëss stlü. Ci podëise pa ciamó fá al momënt?
Le bar unse messü stlü, porchël laurunse ma desco botëga alimentara, olache i venun n iade ma le patüc da se tó a ciasa: speziaries alimentares desco balotes, sughi, ciajos, panini y döt l’ater che i arjignun. Al momënt laurunse ince dër bun les marënes da porté demez.

Ci ól pa dí por osta ativité messëi tigní stlüt?
Le davagn é sambëgn trö’ mënder co canche ara funzionëia normal. Al é sigü na gran mazada, deache le laur da bar fej fora pro nos le 70/80%. Sce al é foresć tló, chi cumpra impó tröp liagna, ciajos y speziaries. Cun la jënt da tló laurunse indere deplü te bar, cun aperitifs y ater. Normal dauriunse dales 7 da doman y tignun davert cina do les 8 o les 9 da sëra, y dailó él spo ince foresć che consuma bun te bar. Chël nes mancia sëgn sambëgn döt.

Döta la intervista ciafëise t’La Usc di 27 de novëmber, olache Wolfi cunta ince de tan important che al é por ël da podëi altamo lauré val’, y al nes dij cun ci sentimënt che al ti ciara al invern.  (Intervista: Pablo Palfrader)