La Usc di Ladins

Dai numeri dá fora incö dala Aziënda Sanitara vëigon tla Val Badia che les infeziuns atives podess tosc s’arbassé, mo ciamó é i numeri astagná y stënta da jí jöpert. I dis che vëgn podess deplü comuns ester indó a zero, insciö foss la secunda gran ona de Covid–19 – che é stada cotan plü sterscia co la pröma – altamo tla Val Badia por gran pert sot control. Mo sciöche an sá: al basta na tiza sora por impié sö indó te val’ post, dita o/y familia na flama de infeziun.

Le Comun de Badia á al momënt 4 infeziuns atives.
A La Val él atualmënter 8 infeziuns atives.
A San Martin de Tor cumpëdon al momënt 2 infeziuns atives.
A Corvara él ma 1 infeziun ativa (mo n caje nü lapró dal test antigenich).
Te Mareo él al momënt 9 infeziuns atives y n caje nü da test antigenich da inier incá.  (Iaco Rigo)