La Usc di Ladins

L’apuntamënt anual dla World Music Conference, la Conferënza Mondiala dla Musiga tignida a livel digital y ospitada dala Birmingham City University tl’Inghiltera ai 11 y ai 12 de dezëmber dl 2020 á porté adöm rapresentanc y rapresentantes dal ciamp musical da döt le monn por se confronté sön tematiches musicales desvalies, cun n focus particolar sön i efec benefics dla musiga. Susy Rottonara é gnüda inviada da tó pert sciöche musizista y esperta de didatica musicala tl cheder dla discusciun en cunt de ativités y iniziatives por stravardé le bëgnester di musizisć („Safeguarding musician’s wellbeing“) y plü en general sön l’importanza dla musiga tla sozieté. Al é sté na ocajiun importanta por se confronté sön la tematica dl bëgnester tres la musiga por düc, che é deventada tres plü atuala aladô dla pandemia.

Deplü t’La Usc di Ladins di 22 de jená 2021