"Corona" te Ciasa de Palsa

Data

01 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le presidënt Mischi informëia dla situaziun: "Degun alarmism!"
Te Ciasa de Palsa a San Martin de Tor él atualmënter 79 ghesć, 4 ghesć é te cuatiers che fej pert dla strotöra soziala.
En vëndres él salté fora deplü tests positifs, en conseguënza de sintoms che val’ berba manifestâ.
"La situaziun n’é daldöt nia dramatica", dij le presidënt dla Ciasa de Palsa Giuvani Mischi da Lungiarü. Ma püc berbesc á sintoms tipics de Covid-19: tos, borjú, deblëza fisica.
Indöt é 29 ghesć resultá positifs dai tests fac dan trëi dis, lapró 12 colaboradus (personal).
Impormó dan cinescdé, ai 25 de jená 2021, êl gnü fat proes (tests) danter ghesć y personal, te chël caje n’êl salté fora degun caje positif.
Le presidënt Mischi dij ince che ai 12 de jená 2021 él gnü fat la pröma variora a bëgn 64 berbesc (2/3), y che indoman gnaral fat la secunda.
Danter le personal él gnü vaziné 39 porsones (mec).
La situaziun dla sanité y de Covid-19 te Ciasa de Palsa a San Martin de Tor vëgn controlada y monitorada dai doturs de familia Agreiter y Caretta.
Le pres. Mischi stlüj ia: "Intratan á le personal ince bele na certa esperiënza y rutina da lauré cun le Covid. Cun le fat che al toma demez por n cer tëmp deplü personal ne devënta la situaziun sambëgn nia plü saurida, mo i sun bugn da s’organisé y ciarun da fá adinfora le miú che i sciafiun. Al momënt ne pól gní fat degönes vijites te Ciasa de Palsa y al ne vëgn gnanca tüt sö berbesc nüs!"  (Iaco Rigo)