La Usc di Ladins

Por imparé i mistiers dla cura y assistënza él les scores profescionales por i laurs soziai de Südtirol che pîta deplü formaziuns. A Bornech pón fá na formaziun a tëmp parzial por operadëssa sozio – sanitara; a Porsenú na formaziun a tëmp parzial por operadëssa sozio – assistenziala y a Balsan vëgnel pité formaziuns a tëmp plëgn.
Chisc dis él pié ia les iscriziuns por chëstes formaziuns y porsones interessades ciafa informaziuns pro la scora por i laurs soziai »Hannah Arendt« al 0471 973494. Le termo dles iscriziuns toma ai 15 de forá. Cun le diplom án la poscibilité da jí a lauré te Ciasa de Palsa, tl sorvisc de assistënza a ciasa y tla strotöra »La Spona«. Tratan les formaziuns vëgnel insegné teoria, mo ince fat pratica tles desvalies istituziuns. I ti un damané n valgönes informaziuns a Lisa Erlacher y Isabel Irsara, che fej n practicum te Ciasa de Palsa.

Ci che ares nes á cunté, podëise lí t’La Usc di Ladins di 5 de forá