La Usc di Ladins

Tl paisc da San Ciascian él gnü pormez ultimamënter cotan de infeziuns nöies da "coronavirus". Sëgn se sinton sforzá da reagí por porvé da tigní sö le slariamënt dl virus. Sciöche i Stüdafüch da San Ciascian lascia alsavëi tres süa plata Facebook, y sciöche al nes vëgn confermé ince dal’assessuria ala sanité Edith Dapoz, él le Comun de Badia che organisëia chësta sabeda ai 13 de forá n test de massa por döta la popolaziun. I tesć vëgn fac dales 8:00 ales 18:00, tla ciasa J. B. Rinna a San Ciascian, sön la jënt da 5 agn insö. "Cun chësta aziun ón isolé les porsones che podess ester positives y ne le sá nia", scrí inant i Stüdafüch. Bele chësta jöbia gnarál condüt fora te vigni ciasa les informaziuns cun düc i orars por vigni pert de paisc. La popolaziun é bel inviada da tó pert.  (pablo)