La Usc di Ladins

Tratan chësc invern particolar, rich de nëi mo zënza sciori, s'á ince i tiers de bosch intenü che al é valch de atramënter. I paisc é plü chic y insciö s'infida rehli, mo ince cerfs, da gní pormez ales ciases, olache al ti vëgn gonot metü fora valch da mangé. Ai se inzertiëia y vëgn tres indô. Mo so magun é zite, ausé da mangé barbüza, dascia, erba y fëies sëces. Les lavadöres ne ti fej daldöt nia bun. La jënt se i mëna picé, mo te bosch ciafi pö döt ci che ai adora por suravire. Ci che ne á indere nia plü, te so habitat, é la pesc. La jënt roda iniann deplü tla natöra, ti bosć, olache i tiers é da ciasa y i vëgn sprigora. Porchël fej i verdaciacia n apel: nia i ojoré y ti lascé la pesc!

I ún contaté le verdaciacia da La Val Hubertus Tschaffert y i ti ún fat n valgönes domandes. L'intervista podëise lí en vëndres tl'ediziun stampada de La Usc di Ladins.   (kp)