La Usc di Ladins

De merz dl 2020, fora de n sarëgn, á döt cant messü gní stlüt. Hotí, ponsiuns, garní y ciases da apartamënc á messü mené demez sü ghesć. I lifc á messü s'archité. Bars y botëghes á saré. Y insciö á ince les scolines, les scores y la Scora de musiga messü stlü. Por düc canc é chësta situaziun stada na gran desfida. An á messü se organisé danü, atramënter. An mëss intres ciamó imparé da vire cun le virus, y ince sëgn – do feter n ann - n'é la situaziun nia ciamó sot control. »Atira unse desdit dötes les leziuns mo spo s'á vigni maester de musiga dé da fá por podëi ti pité a sü scolars alternatives y la poscibilité da imparé y da fá musiga, ince a destanza«, dij le diretur dla Scora de musiga dla Val Badia Raimund Pitscheider.

L'intervista che i ti ún fat al diretur dla Scora de musiga podëise lí tla ediziun stampada de nosc foliet.   (kp)