Maddalena, poste nes cunté ci che le bulism é avisa y olá che al se sbürla le confin danter le fá damat y l’at de bulism?
Al é da dí dantadöt che al esist n gromun de definiziuns por le bulism, mo en general se tratel de ac
View the embedded image gallery online at:
https://www.lausc.it/valedes-ladines/val-badia/14810-bulism-y-cyberbulism-porve-da-capi-dami-chesc-fenomen#sigProIdb4cc1b2e4e
https://www.lausc.it/valedes-ladines/val-badia/14810-bulism-y-cyberbulism-porve-da-capi-dami-chesc-fenomen#sigProIdb4cc1b2e4e
Do mia minunga é le confin danter le fá damat y le bulism dër sotí. Na matada che vëgn fata un n iade pó ince ester da rí, mo sce ara vëgn dant döt le tëmp y te na manira tres plü pesocia, spo pó la situaziun tosc mudé y deventé critica. Tosc vëgnel tler che che é la vitima y che che é le bulo o la bula.
Co fossel pa dërt da se comporté, sce an é instësc vitima de chisc comportamënc?
La cossa plü importanta sce an é vitimes de bulism é zënzater chëra da nen baié cun valgügn. Al pó soné banal, mo gonot ne se infida les vitimes nia da cunté ci che al ti sozed, forsc deache ai se doda o se sënt instësc de gauja.
Sce an patësc ac de bulism o de cyberbulism, spo él porchël la pröma cossa da fá da ti le cunté a geniturs, compagns, maestri o jënt adulta a chi che an ti á crëta.
Tl caje dl cyberbulism desson sté calms, tigní sö les proes, p.ej. fá screenshots di comentars da dessené o dles manaces, bloché l’anuzadú o l’anuzadëssa (user) o le contat y segnalé le profil dl bulo o dla bula sön i social network. Por chisc caji desson spo jí dala Polizia Postala.
Döta la intervista podëise lí t’La Usc di Ladins di 12 de forá. Iló nes dij Maddalena Valentini ci che an pó fá da ëra infora por evité che al se portes pro de te’ situaziuns, y ci che an pó fá por daidé na porsona che é vitima de bulism o cyberbulism.
(Lucia Piccolruaz)