Forza frësca por le Sorvisc ai Jogn
La colaboradëssa nöia Carolina Lezuo se presentëia
I á inom Carolina Lezuo, i á 19 agn y i sun da La Val. L’ann passé ái stlüt jö le lizeum scientifich a Bornech. Tl dagní me savessel bel da lauré cun mituns te scolina, al é n laur dër interessant, desvalí y al porta desfides nöies vigni de. I á tut la dezijiun da tó n ann sabatich por fá esperiënzes nöies y concretes tl monn dl laur. Da jená incá feji pert dla scuadra dl Sorvisc ai Jogn Val Badia. I me la inconforti da arjigné ca de vigni sort de ativités y da les mëte da jí adöm cun i jogn che tol pert al »Laur davert por la jonëza« a Antermëia y Al Plan, y tl Zënter dla Jonëza y dla Cultura SaJ.un a La Ila. Tl isté che vëgn porvarái da dé le miú, adöm cun la scuadra dl Sorvisc ai Jogn, por fá garaté le proiet »Isté deboriada«, de chël che i á la coordinaziun.
Galaria retrac
View the embedded image gallery online at:
https://www.lausc.it/valedes-ladines/val-badia/14811-forzes-noeies-por-le-sorvisc-ai-jogn#sigProId03d3f88cd0
https://www.lausc.it/valedes-ladines/val-badia/14811-forzes-noeies-por-le-sorvisc-ai-jogn#sigProId03d3f88cd0