Che é pa responsabl por tüa segurëza?

Data

24 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Iniziativa originala dl »Paisc dl alpinist« a Lungiarü, por sensibilisé sön l’autoresponsabilité, canche an se mët sön tru tla natöra
Chi che röia a Lungiarü cina ite Pares (canche an podará indô rodé), s’un intenará defata che al é gnü metü sö dailó n spidl. N spidl che n’á nia le fin da ciaré sce la ciüria stá indortöra o sce la sminca é ciamó te so post, mo che dess sensibilisé ala responsabilité de vignun che se mët sön tru tla natöra: d’invern pól ester cun les ciaspes o i schi da tour, d’isté cun la roda, por jí a pe o jí a crëps. Sura le spidl ciafon la domanda che é cun orenté ince n pü’ provo­canta: »Che é pa responsabl por tüa segurëza?«. An capësc atira che che al é miné: chël o chëra che se ciara te spidl, o dit atramënter: vignun de nos ch’i se metun sön tru.

Deplü sön chësta iniziativa y les motivaziuns che stá iadô ciafëise t’La Usc di Ladins di 26 de forá 2021  (pablo)