La Usc di Ladins

Na ciasa nöia por i colaboradus dl esert, la sënta dl Comando y n frabicat de sorvisc: chësc é ci che la Provinzia de Balsan fajará sö sön l’areal militar "Tempesti" a Corvara. I laurs dess gní dá ia bele anter iniann d’aurí. Tl concret nen vára de n frabicat cun 52 posć da dormí, n frabicat de sorvisc cun n salf da mangé por 92 porsones y d’atri locai, sciöche ince n frabicat cun 9 posć de laur che sorvësc da sënta dl Comando. L’investiziun é de cin’ miliuns de euro y fej pert de na acordanza de barat che la Provinzia â stlüt jö de setëmber 2015 cun le Ministêr dla Defenüda. Chësta acordanza prevëiga che la Provinzia ciafa deplü areai militars lasciá sö te Südtirol, mo fej porchël sö cuatiers por colaboradus dl esert y ressanëia strotöres abitatives y de tëmp lëde.  (pablo)