La Usc di Ladins

Bele dan valgünes edemes â La Usc damané do ci che al n’ê iniann dla prozesciun de Jeunn. Le 2021 foss l’ann che incër 1.000 omi se mët de jügn trëi dis sön tru por arjunje le santuar sura Tlüses sö. Ci che forsc tröc s’aspetâ bele, é sëgn ofizial. En vëndres ai 9 d’aurí danmisdé él gnü la comunicaziun ofiziala che la prozesciun de Jeunn ne gnará iniann nia fata, mo vëgn sburlada al 2022. La rajun é tres la medema: la situaziun cun le coronavirus. La comunicaziun i é gnüda menada fora ales ploanies dla Val Badia tres le massá de Jeunn Lois Taibon, do avëi tut consëi dal degan siur Iaco Willeit y dal ploan d’La Pli siur Klaus Sottsas.  (pablo)