La Usc di Ladins

Un di provedimënc inviá ia dala Provinzia de Balsan por daidé i colaboradus dependënc y lauranc autonoms che á pordü le laur o che n’á nia podü lauré por gauja dla situaziun tla pandemia é l’Aiüt Covid, olache al vëgn paié fora por trëi mëisc na soma mensila danter 500,00€ y 900,00€ aladô dla situaziun familiara, plü na soma variabla por les spëises de afit o de cosć por la ciasa. Sce le termo da dé jö les domandes ê denant fissé cun la fin de merz, él sëgn gnü arlungé cina ai 30.04.2021, sciöche al nes vëgn lascé alsavëi tres le Raiun Sozial Val Badia. Ales porsones che á spo bele presenté la domanda ti mëisc passá, ti vëgnel automaticamënter paié fora le contribut ince le mëis d’aurí, zënza messëi presenté na domanda nöia. Les domandes é da fá tres le Raiun Sozial. Plü informaziuns (por la Val Badia) ciafon al 0474 524552.
Informaziuns podëise ince lí do chiló: http://www.provinz.bz.it/de/dienstleistungen-a-z.asp?bnsv_action=4&bnsv_psvid=1036184&bnsv_svid=1036213&btnComuneVai=Suchen


 (pablo)