Al é sëgn chi dui agn che i laurs por l’azes nü ala Val Badia fora San Laurënz á metü man. En mertesc ai 13 d’aurí él indô gnü fat n vare de chësc vers: la ultima esplojiun controlada pro le tunel de segurëza. Le gran tunel de 1km ê bele gnü foré fora d’otober dl ann passé.
»Do che al é gnü adoré 60.000 chili de material esplosif y porté demez zirca 100.000 metri cubich de material, é sëgn les firmes tl laur da fá sö les fondamëntes dla strada y da realisé la pert interna de petun,
de chëra che le 25 porcënt é bele gnü metü sö.«, scrí la Provinzia te n comunicat, »Chisc laurs cun le petun messass gní stlüc jö da d’altonn. Dedô podaran mëte man cun i laurs stradai tl tunel y defora, y da mëte ite i implanc tecnics.« Inant ván sambëgn ince cun i atri laurs sön le cantier: punt, rondel y sotpassaje. Ala fin dl isté él preodü che le trafich pois passé tl sotpassaje y an metará spo man cun i laurs de costruziun dla strada. (pablo)
Ultima esplojiun (controlada)
Azes nü ala Val Badia: en mertesc domisdé él gnü lascé jí ciará l’ultim toch por le tunel de segurëza
Galaria retrac
- Situaziun pro le punt, ai 4 d’aurí. (Foto: Franz Frenner/San Laurënz)
- Na foto di 28 de merz. (Foto: Franz Frenner/San Laurënz)
- La "tota" dl tunel Margot Harasser adöm cun un di responsabli de cantier Gottfried Zisser (Foto: asp)
View the embedded image gallery online at:
https://www.lausc.it/valedes-ladines/val-badia/15391-ultima-esplojiun-controlada#sigProId61ce0681b5
https://www.lausc.it/valedes-ladines/val-badia/15391-ultima-esplojiun-controlada#sigProId61ce0681b5