Rosanna Ferdigg, esperta de pedagogia

Data

18 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I imparun da conësce n pü’ damí chësta porsona da La Pli, che á da jona fat la laurea de Pedagogia tla Université a Bologna; spo s’ára spezialisé sön deplü ciamps de pedagogia. Incö insëgnera tla Université de Balsan, tla Facolté de Sciënzes dla Formaziun a Porsenú. Ara abitëia a Balsan
Rosanna é nasciüda ai 29 d’agost dl 1962 a Maran; ara é na möta de Albina Ferdigg. Nazio Pech ê le nene de Albina y fre de Rosa Ferdigg, maridada Maneschg, inlaota patrona da Sach. De ma dl 1963 ê Rosanna rovada a Framacia tla familia de Davide Maneschg da Sach y de Iustina Agreiter d’Alnei, maridá dl 1954 a Trens; ëi instësc ne n’â degügn mituns y porchël ái tut sö cun gran plajëi Rosanna, che á ciafè dailó n daciasa ideal, süa familia, plëna d’amur.
Le morin da Sach ne funzionâ chi agn dl 1970 nia plü, al ê ma plü la roia; la uma Iustina lavâ dailó le guant, le sporfognô y splomâ ince les iarines denanche ares rovass te ola. La siëia veneziana ê ciamó en funziun y picia Rosanna podô val’ otes senté sö canche le ciar jô ia y ca a sié fora taies y taiuns.

Deplü sön la storia particolara de Rosanna, podëise lí t’La Usc di Ladins di 16 d’aurí  (Lois Trebo)