Dan da diesc agn, al ê dl 2011, se detlarâ les zitadines y i zitadins de Südtirol insciö tla apartenënza o agregaziun ai trëi grups de lingaz ofiziai de Südtiril: le 69,41% al grup todësch, le 26,06% al grup talian y le 4,53% al grup de lingaz y cultura ladins. Chësc resultat dl censimënt y chëstes zifres vel dötaurela por la spartiziun y assegnaziun di posć publics y por tröpes "tortes" da partí sö (danter chëstes ince le frabiché sozial y les ressorses culturales). La consistënza di ladins al intern dl proporz südtiroleje ê dan diesc agn chersciüda respet al 2001, olache i ladins fajô fora le 4,37%. Interessant é che i taliagn é cará dal 1981 incá dal 29,38% al 26,06%. Dan diesc agn â les ladines y i ladins arjunt chësc bel resultat ince por mirit de na campagna informativa ampla y ütla da pert dl assessur provinzial da iló Florian Mussner. Sëgn, ai tëmps plü problematics y sfadiusc por le coronavirus, oraral ester ciamó n maiú impëgn (respet a dan diesc agn) da pert dla politica ladina y provinzial–ladina, por ne perde nia rotëgn y tigní i numeri atuai y l’importanza y conscideraziun che an á.
Liéde do deplü tla ediziun stampada de La Usc di Ladins! (Iaco Rigo)
Detlaraziun ladina
En chësc ann él dlungia ala cumpëda permanënta dla popolaziun ince le renovamënt dla detlaraziun de apartenënza ai trëi grups de lingaz storics. Al é ora da informé y motivé da se detlaré Ladines y Ladins
Galaria retrac
View the embedded image gallery online at:
https://www.lausc.it/valedes-ladines/val-badia/15428-detlaraziun-ladina#sigProId17a0edbd76
https://www.lausc.it/valedes-ladines/val-badia/15428-detlaraziun-ladina#sigProId17a0edbd76