Le "Checco" nü é danman

Data

19 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
"Checco. Cun mies mans cheriëii" – chësc é le titul de öna dles ultimes publicaziuns dades fora dala Uniun Ladins Val Badia. Ara se trata de na publicaziun interativa te trëi lingac ideada dala Ciasa di Pici, en cooperaziun cun l’Artejanat Val Badia. I dessëgns é de Elisa Obwegs
Checco é n personaje che tröc mituns y tröpes mitans (y nia ma) conësc bele, ne é pö chësta nia la pröma publicaziun che le vëiga sciöche protagonist. Tl 2013 él gnü dé fora le liber "Checco y la turta da res ghei", storia a chëra che la publicaziun atuala i vá do. Porchël se l’á tröc bele confortada plü dî da podëi lí o ascuté sö la storia nöia che reverda Checco.
Scebëgn che le personaje prinzipal dles döes stories é le medemo, ne se ispirëia la secunda publicaziun nia plü al monn da paur y dl cujiné, mo a chël dl artejanat. Le travert prinzipal de "Checco. Cun mies mans cheriëii" é, teco, chël de ti fá conësce ai plü pici le monn dl artejanat y suradöt ince da descedé ligrëza y pasciun por chisc mistiers, é pö l’artejanat tres ciamó n pilaster portant dl’economia dla Val Badia y n setur cun na storia y tradiziun lungia.

Deplü sön chësta publicaziun nöia podëise lí en vëndres ai 23 d’aurí, sot le Ciantun dla Uniun sön les plates dla Val Badia  (Elena Frenademetz, por la Uniun Ladins Val Badia)