La Usc di Ladins

Le musizist Max Castlunger nes á lascé tó pert en mertesc (ai 20 d’aurí 2021) a söa ligrëza da podëi ester indó cun d’atri musizisć sön paiun. I aldiun söes parores: "I sun sëgn a Sankt Pölten (Austria), la foto é da incö. I sonun y i tolun sö n dvd por le proiet 'Symphonic Alps' dl Herbert Pixner Project che incunta en chësc iade la orchestra da Viena 'Tonkünstler'. L’emoziun é dër grana, da podëi partí mia gran pasciun, che é la musiga, cun tan de musizisć. I me sinti lëde y dër de bona löna, i á indó podü fora! La musiga é medejina por anima y corp, tres indó ái la conferma de chësta forza che varësc, y tres indó ciafi la conferma che l’ert, la cultura y la creativité é dër importantes por nosc suravire y por che i se stunse sagns intun. Sce nosta anima se stá bun, édl ince le corp ché é plü sterch!"  (Iaco Rigo)