»FRAGILE« é le tema che é gnü chirí fora por la ediziun 2021 de SMACH, mostra alaleria che é rovada iniann a süa cuinta ediziun. »FRAGILE« é n agetif che ó dí por talian y por inglesc zite, delicat. Le grup de laur che á dé vita a chësta ediziun, metü adöm da Katharina Moling, Michael Moling y Gustav Willeit, á ponsé fora chësc tema che é dër atual tla situaziun pandemica che i viun aldedaincö. Mai tanco sëgn sunse, nos porsones y nostes istituziuns debles. Y ala pandemia se ispirëia deplü dles operes che é gnüdes presentades por chësta cuinta ediziun. Bëgn 1.061 é les propostes che é gnüdes menades ite. La iuria internazionala á chirí fora 10 artisć y grups de artisć, che metará fora sües operes y istalaziuns nia ma plü ti comuns de San Martin y Mareo, mo ince a La Val y Badia.
Le suzes y l’interes por chësta manifestaziun artistica crësc insciö tres deplü, se deslarian fora nia ma sön le teritore, mo sura döt le monn.
I nen un baié cun Katharina Moling. L'intervista podëise lí tla ediziun stampada de nosc foliet che gnará fora en vëndres ai 23 de aurí. (Katia Pizzinini)
SMACH 2021: la iuria á chirí fora
Danter les passa mile propostes che é gnüdes menades ite, á la iuria internazionala chirí fora i diesc artisć y grups de artisć che tolará pert ala ediziun de SMACH 2021, mostra alaleria che se desleria fora iniann sön sic da munt ti comuns de San Martin, Mareo, La Val y Badia
Galaria retrac
View the embedded image gallery online at:
https://www.lausc.it/valedes-ladines/val-badia/15474-smach-2021-la-iuria-a-chiri-fora#sigProIdc36b92edb0
https://www.lausc.it/valedes-ladines/val-badia/15474-smach-2021-la-iuria-a-chiri-fora#sigProIdc36b92edb0