La Usc di Ladins

Cun la “Ajënda de Economia” gnunse da os a ciasa y sön osc smartphone cun argomënc de atualité, cun argomënc de cultura generala de impreja, mo ince cun argomënc co dess dé da ponsé, argumënc che dess mustré l’economia cun n edl critich y cun pinsiers lëdi da pregiudizi, odüdes lëdies y che ne assecondëia nia vigni forma de capitalism te na manira vercia.
Dan avisa n ann scriôi sön chësta plata dla importanza de n bun sistem de organisaziun aministrativa y contabla, dl bujëgn de formaziun y dl pëis strategich dla gestiun dla licuidité. La pandemia á sotrissé dassënn chisc aspec.
I vëgni sëgn zoruch ala licuidité: la gestiun dla licuidité é deventada zentrala tl ultim ann y ara restará inant insciö. Stat y Provinzia á falé da pormëte plü iadesc aiüc che la situaziun finanziara ne lascia nia pro. Mo sambëgn dess imprejes y profescionisć se anuzé de düc i aiüc che vëgn dala man publica, ince sce ciamó tan pici.
Do i “ristori” desvalis y debli dl Stat y do i contribuc dla Provinzia dl ann passé, éra indó tan inant: la Provinzia da Balsan dá indó ca contribuc a imprejes y profescionisć:
- contribuc de soma frëma (fissa) ales piceres realtés cun domandes da presenté da mez aurí inant;
- contribuc en percentuala sön i cosć ales realtés n pü’ maius cun domandes da presenté da jügn inant.

Intervista al dot. Fortunato Verginer, ciarede tla ediziun atuala de La Usc di Ladins!