La Usc di Ladins

Sëgn ch’i liëis chëstes risses, é siur Stefano Trevisan bele sön tru. En mercui de chëst’edema él pié ia devers le süd dl Sudan, olache al metará man süa opera miscionara tl ordin di Combonians. La domënia passada á pater Stefano ciamó albü l’ocajiun da dí te dlijia d’Al Plan süa ultima gran mëssa denanco pié ia: na mëssa olache ël á orü tó comié da süa comunité nadalina, y olache la comunité á orü ti dé para sües aodanzes y süa oraziun por le tru che ti aspeta. La domënia passenâ dër de chësc vers, êra pö dedicada a Gejú, le bun famëi che ciara de sües bisces y les conësc por inom, mo ince la domënia olache an prëia do vocaziuns nöies, che jiss tan debojëgn. Na vocaziun che pater Stefano á sintí le pröm iade dan 12 agn, canche al â fat na esperiënza de volontariat tl’Africa, y che ciafa sëgn tla misciun süa espresciun concreta.

T’La Usc di Ladins di 30 d’aurí podëise lí deplü sön chësta mëssa particolara y ince emozionala  (pablo)