Pamela vir a La Plata, na cité cun un n miliun de abitanc a 60 km da Buenos Aires, capitala dl'Argentina. Chiló éra rovada dl 2007, do che ara â studié omeopatia a Minca. L'Argentina é n stat olache al vëgn pratiché y inrescí dër tröp sön l'omeopatia. Por deventé omeopac, mësson naota fá le stüde de Medejina tradizionala, che döra 6 agn. Spo ól ciamó ester na spezialisaziun de trëi agn, por podëi curé cun chësta pratica de medejina alternativa. Dl 2013 á Pamela metü sö so stüde privat. Ara laora ince tla fondaziun olache ara á fat la spezialisaziun, la Fundación homeopática Vitalis, sciöche doturia y da n'ann incá ince sciöche insegnanta. L'Argentina vir al momënt nia situaziun pesocia liada al coronavirus. Danter poverté y infeziuns á le virus gaujé de gran danns al'economia y ala sozieté.
I se ún metü en contat cun Pamela y ti ún fat na intervista che i podëis lí tla ediziun stampada d'La Usc di Ladins da incö, vëndres ai 7 de ma. (kp)
L'ecuiliber de mënt, corp y emoziuns tres l'omeopatia
Pamela Pitscheider, doturia omeopata, vir dal 2007 incá tl'Argentina. Chiló ára so stüde privat te chël che ara curëia i paziënc cun la medejina alternativa. Ara laora ince tla Fundación homeopática Vitalis, sciöche doturia y insegnanta. Te chësc momënt particolar l'unse contatada por odëi sciöche l'America dl Süd vir la pandemia
Galaria retrac
View the embedded image gallery online at:
https://www.lausc.it/valedes-ladines/val-badia/15624-l-ecuiliber-de-ment-corp-y-emoziuns-tres-l-omeopatia#sigProId006fb86f49
https://www.lausc.it/valedes-ladines/val-badia/15624-l-ecuiliber-de-ment-corp-y-emoziuns-tres-l-omeopatia#sigProId006fb86f49