Por plü etica ince tla ciacia

Data

18 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
"Wie wir jagen wollen" é le titul dl liber scrit dal regens siur Markus Moling. Na publicaziun che se dá jö cun reflesciuns sön l’etica dl jí ala ciacia. Impulsc de valüta por i iagri d’aldedaincö y forsc ince por l’ester dla ciacia tl dagní
La tematica dl clima, dl ambiënt, dla natöra y di tiers ciafa tres plü y plü süa lerch tla discusciun publica. Sëgn che i sintiun sön nosta pel les conseguënzes de n comportamënt y n ajiamënt fora de mosöra devers nosta Tera, é chersciüda ince la sensibilité y le respet dla jënt ti confrunc de nosta "ciasa deboriada", sciöche Papa Francësch la definësc te süa enziclica "Laudato Si’". I toli ca aposta chësc referimënt religius, deache ince i teologs de nosta Diozeja se dá jö tres plü gonot cun n comportamënt respetus devers la creaziun. Un di ultims ejëmpli é le liber "Wie wir jagen wollen", scrit dal regens siur Markus Moling, olache al se dá jö cun la etica dla ciacia.
I savun che la ciacia é n tema dër debatü. Tres deplü é les porsones che ne capësc nia ite o vëiga cun edl dër critich che iagri vá te bosch a stlopeté tiers. La ciacia polarisëia, la ciacia despartësc les minunghes. Mo sciöche tan gonot, sán che te na discusciun n’él feter mai ma blanch o fosch. Al é danterite n gröm de tonalités de grisc. Insciö ince tla ciacia, olache siur Markus Moling tematisëia la ciacia sot a plü aspec. Al ne le fej nia cun le dëit spraizé, mo te na posiziun de respet ti confrunc dla ciacia instëssa, dles posiziuns desfarëntes, y suradöt di tiers che abitëia nüsc raiuns. Na sensibilité de na porsona che osservëia bele da agn la natöra cun edl acort. Ai pröms de ma él ince tla Val Badia indô gnü daurí la sajun dla ciacia. Nosta ciacolada cun siur Markus Moling pó ester n contribut por jí forsc cun le stlop te n spirit plü etich y respetus.

La intervista cun siur Markus Moling ciafëise t’La Usc di Ladins di 21 de ma  (Intervista: Pablo Palfrader)