La Usc di Ladins

Ince les ancones en ur de trus y te sic de bosch y pra vëgn intres manco. Ester él tofles, en gran pert depëntes y scrites, che cunta de na desgrazia sozedüda, che prëia do n pinsier y na oraziun. Les ancones porta ince la definiziun de "marter" o "marterl" (dal todësch) por testemonié na desgrazia o n martire che an ne s’ess bëgn nia aspeté. Cun la gnüda dla fotografia dan chi 100 agn él jü a perde en gran pert l’usanza da depënje y scrí ancones, aldedaincö álderes – sciöche les tofles votives depëntes tles capeles y dlijies – pro i tëmps passá. Öna o l’atra á suravit i tëmps, y prëia tres ciamó do na oraziun!  (Iaco Rigo)