Le "parados" dl lignan

Data

15 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Informaziuns dal marcé dij che le prisc dl lignan é alzé ultimamënter dl 30%, mo le davagn dla venüda dles taies é tres ciamó massa bas!
Vaia é stada ai 29 d’otober 2018 na gran tempesta, mo lapró ince n gran tarlí söl laur y marcé dl lignan. I paurs é stá sforzá da 'vëne' i lëgns ardurc, rosedá, sfenüs... te val’ caje: etars intiers de lëgns. Le prisc por la venüda dl lignan da pert dl paur y dl patrun dl bosch é tomé a tera, mo le prisc por cumpré lignan söl marcé ne s’un á do Vaia nia sintí y é cinamai – da altonn 2020 incá – chersciü. Sce le paur y le patrun dl bosch ciafass deplü da vëne les taies, podesson baié che i prisc s’avaliëia plan plan iustamënter (le davagn é da agn püch y nia), mo ara n’é nia insciö: le davagn vëgn fat inzai dales gran dites, por nosc raiun de interes chëres dl’Austria, y i consumënc (i paurs instësc lapró) paia sëgn la "materia prima" tla mesaria le 30% deplü co dan da dui agn: chësc se manifestëia ti prisc di möbli, dles ziples por scialdé, dles brëies por fá de pici laurs, yii. Al pé che Covid–19 ne sides nia la gauja prinzipala de chisc aumënc, mo che dantadöt i USA y la Cina adora tres plü lignan de costruziun y ne röies instësc nia plü do cun la resposta ala domanda. Lapró vëgnel le fatur dla cualité dl lignan, cualité che pé gonot bona sce an ti ciara, mo che ne acontentëia nia les ghiranzes di compradus y speculanc söl gran marcé.  (Iaco Rigo)