En vëndres á metü man i campionac europeics dl palé. Bele le de do él sté momënc de gran trica. La partida danter Finlandia y Danimarca â metü man da püch, canche le sogadú danesc Christian Eriksen é tomé ia por tera y ne dê plü degun batimënt. Dedô gnarál fora che al ti é sté chit le cör. I socursc da pert de süa scuadra y di doturs é stá asvelc y por fortüna ê Eriksen defata indô cosciënt y an podô l’araté fora dal prigo de mort.
Danter i miliuns de porsones che á odü les imajes de Eriksen toca ince Davide Moling da La Val, instës gran apascioné dl palé y ince professur de sport. Imajes che ti á indô descedé i recorc de chë sabeda ai 3 d’aurí 2010, vëia de Pasca, anche al sogâ na partida amatoriala cun la malieta dl San Martin, cuntra la scuadra dl Niededorf. Iló él ince ël tomé adöm te ciamp por le bot al cör, por gauja de n virus, sciöche ara gnará fora dedô. Al â 24 agn. Por fortüna se l’ál cavada dër bun, ci che é mirit dl intervënt asvelt de n aversar, Egon Seyr, che é incö so miú compagn. Feter mesora án messü le reanimé. Te na lëtra scrita püch dedô, cunta Egon Seyr che "Zënza l’intervënt ejemplar de tröc aiutanc y l’aiüt de Dî, n’ess chësc fat nia albü n final tan bun". Davide nes á cunté de süa esperiënza fata dan 11 agn, y alza fora l’importanza da daidé ti caji de debojëgn.
La intervista podëise lí t’La Usc di Ladins di 18 de jügn (pablo)
"Canche i á odü Eriksen, m’ái n pü’ odü me instës"
Les imajes dl sogadú dl palé Christian Eriksen tomé adöm tla partida di europeics danter Danimarca y Finlandia á fat la roda dl monn. Y á ince descedé le recort de Davide Moling da La Val, che é instës sté te na te’ situaziun
Galaria retrac
View the embedded image gallery online at:
https://www.lausc.it/valedes-ladines/val-badia/16055-canche-i-a-odue-eriksen-m-ai-n-pue-odue-me-instes#sigProIda0e2659e8b
https://www.lausc.it/valedes-ladines/val-badia/16055-canche-i-a-odue-eriksen-m-ai-n-pue-odue-me-instes#sigProIda0e2659e8b
