Ciasa dl Parch a Al Plan: de refodam y sensibilité ambientala

Data

22 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Döes mostres desvalies te Ciasa dl Parch a Al Plan se dá jö cun la tematica dl refodam. En vëndres nen vëgnel daurí na terza, che tematisëia i intervënc dla porsona tla contrada da munt
Tla Ciasa dl Parch Natural Fanes–Senes–Braies a Al Plan pón dí che iniann vëgn la tematica dl refodam y dla sensibilité por la contrada tematisada de plü versc: cun fantasia y cun edl critich. La manira plü simpatica y plajora é garatada en colaboraziun cun la scora elementara d’Al Plan, olache scolares y scolars de vigni classa á pastelné cun refodam de vigni sort de tiers. Döt n ater azes al refodam ciafon tla mostra "Neobiota", realisada dal Alpenverein Südtirol, che se dá jö cun le refodam che vëgn lascé zoruch tla munt. Na terza mostra vëgn inaudada rodunt chësc vëndres ai 25 de jügn dales 6 da sëra. Ara se trata dla mostra de fotografies "Le monn ne basta nia", olache le fotograf Fabian Haspinger se dá jö cun i intervënc y costruziuns dla porsona tla contrada naturala. La mostra gnará inaudada en presënza dl’assessuria provinziala por la natöra, contrada y svilup dl teritore Maria Hochgruber Kuenzer. La presentaziun vëgn fata da Rupert Larl dl’assoziaziun Fotoforum da Desproch. Por tó pert ala daurida vál debojëgn da s’anunzié al 0474 506120 o tres e–mail a info@fsp@provinz.bz.it 


 (pablo)