Ti dé a mituns n secundo daciasa
Ince tla Val Badia vëgnel chirí geniturs afidatars. N sorvisc de gran importanza
Al pó sozeder che geniturs röia te na situaziun de dificolté y n’é por na rajun o por l’atra nia plü bogn da ciaré de sü mituns, tla manira che jiss debojëgn. Rodunt te chisc caji él na ressorsa che pó ester de gran aiüt y alisiraziun: chëra di geniturs afidatars. Sot al motto "Ti dé a mituns n secundo daciasa" él la Comunité Comprensoriala Val de Puster che chir ince te nüsc raiuns geniturs afidatars. Al vëgn chiri families, pêrs o porsones che vir sores, che tol sö por n tëmp cört o lunch n möt o na möta, aladô di debojëgns. Sce os fosses a desposiziun, ciafëise ion plü informaziuns da pert dl "Team spezialisé por l’afidamënt familiar". An pó cherdé sö le 0474 412925 o scrí a anvertrauung.affidamento@bzgpust.it (pablo)
Galaria retrac
View the embedded image gallery online at:
https://www.lausc.it/valedes-ladines/val-badia/16408-ti-de-a-mituns-n-secundo-daciasa#sigProId23e501d2f6
https://www.lausc.it/valedes-ladines/val-badia/16408-ti-de-a-mituns-n-secundo-daciasa#sigProId23e501d2f6