Le program vëgn coordiné dal regist Armando Traverso y
- Les trasmisciuns de Armando Traverso "Un diario delle vacanze in montagna" dales valades ladines é gnüdes realisades en colaboraziun cun l'Intendënza ladina a Balsan. (Foto: RAI YOYO)
- Tratan les registraziuns te n bel pre de munt. (Foto: USP/Roman Clara)
- Öna na trasmisciun é gnüda realisada sön la ferata de Gherdenacia a La Ila. (Foto: USP/Roman Clara)
- Le condutur y moderadú Armando Traverso. (Foto: USP/Roman Clara)
View the embedded image gallery online at:
https://www.lausc.it/valedes-ladines/val-badia/16410-diare-dales-vacanzes#sigProId61d3ace2cd
https://www.lausc.it/valedes-ladines/val-badia/16410-diare-dales-vacanzes#sigProId61d3ace2cd
Avëi la poscibilité da presenté le valur implü dl plurilinguism é n messaje de gran importanza y richëza por l’assessur por la scora y cultura ladina Daniel Alfreider y por l’Intendënta ladina Edith Ploner. "Insciö podunse mostré da öna na pert la belëza de nostes munts dles Dolomites y dal’atra pert la promoziun dl plurilinguism de nosc sistem scolastich", dij Alfreider.
La trasmisciun é gnüda realiasada respetan les normes de sigurté. Indöt él gnü fat 12 trasmisciuns danter l’ater tl Museum Ladin Ciastel de Tor y Ursus ladinicus, sön i pra de Armentara, sön la corda ferada de Gardenacia, tla ciasa dl Parch natural Fanes-Senes-Braies a Al Plan, sön Monte Pana, a Bula, Urtijëi y a Sacun te Gherdëna.
Les trasmisciuns dales valades ladines sará da odëi da en lönesc ai 19 de messé tres dales 18:30 inant sön Rai Yoyo. Dedó sará i videos da odëi sön la plataforma digitala de RaiPlay. Por les trasmisciuns da Gherdëna él gnü a se le dé ince na colaboraziun cun les organisaziuns turistiches de Gherdëna. Dal 12 de messé inant sarál da odëi por n’edema les trasmisciuns realisades tl Trentin. (Iaco Rigo)