La Usc di Ladins

"Ci de! Amur por Südtirol! Crëps demorvëia, porsones straordinares y de bun mangé! Sciöche cherscia sön la turta 538,00€ de spënora por la fondaziun "Peter Pan" te Südtirol". Chëstes é les parores de Markus André Mayer, originar da Waltenhofen tl Allgäu, publicades la domënia passada sön so profil Facebook. Al á pormó stlüt ia n de particolar, che l’á condüt cun süa Vespa da Mantëna Todëscia ite Al Plan y cina ta Pederü. Chisc posć fej pert de chël che al á tlamé le "Vespa Gentleman Giro", na iniziativa personala cun chëra che al roda jö l’Europa por abiné adöm spënores y daidé assoziaziuns che ti stá dlungia a porsones atocades dal crebesc.

T’La Usc di Ladins di 16 de messé podëise lí deplü sön l’iniziativa y sön co che Mayer á intenziun da rové tl liber di records Guinnnes.  (pablo)