Ester él zacô na conferma che le titul d’La Usc dl ann passé n’ê nia tan falé jö. Canche la scolina d’Al Plan ê gnüda daurida l’ann passé de novëmber ânse baié de na "Scolina a 5 stëres", suradöt por le tröp lominus, l’atmosfera da sté saurí, le conzet de interativité. Sëgn ciafa la scolina d’Al Plan visibilité y na buna nota ince a livel internazional. De jügn é la strotöra gnüda premiada cun le pest "Big See Award 2021", tla categoria de "Architetöra publica y comerziala". Le pest tol ite indöt 21 naziuns tl südvest dl Europa y premiëia proiec te indöt 6 categories.
Le proiet dla scolina nöia é gnü arjigné dal architët Andreas Gruber da Vahrn, en colaboraziun cun le personal pedagogich dla scolina y le Comun. Le toch nü dla scolina é gnü frabiché tres la Sozieté di Lifc d’Al Plan, do che al ê gnü fat n contrat urbanistich cun le Comun. (pablo)
Al Plan: scolina premiada
La scolina nöia d’Al Plan é gnüda premiada cun le pest internazional "Big See Award 2021"
Galaria retrac
View the embedded image gallery online at:
https://www.lausc.it/valedes-ladines/val-badia/16487-al-plan-scolina-premiada#sigProIdc6557d8506
https://www.lausc.it/valedes-ladines/val-badia/16487-al-plan-scolina-premiada#sigProIdc6557d8506