A crëp cun le Vësco
Le Vësco Ivo Muser é rové sön Lavarela cun valgügn compagns ladins
Döt é nasciü por caje y sëgn él zacô deventé na usanza che vëgn bele a s’l dé da plü agn incá. Dan cater agn â l’ombolt da La Val Angel Miribung invié le Vësco Ivo Muser da gní a La Val por jí sö por munt. Belavisa ál tut sö l’invit y insciö éra garatada da jí cun n bel grup sön Rît. L’invit é gnü renové ince por l’ann do, olache an é rová sön Piza dales Nü, l’ann passé spo sön Piza dales Diesc. Iniann ai 19 de messé éra indô stada tan inant. Le Vësco é rové alerch deboriada cun so fre Bruno y en chësc iade éson jüs cina sön Conturines y Lavarela. Le de s’á mostré da süa miú cira, insciö che al á podü garaté de beles ores de compagnia, olache al é sté l’ocajiun da s’la cunté sön de vigni sort. La "tradiziun" dess sambëgn ince jí inant l’ann che vëgn: iló s’án tut dant da jí deboriada a fá le Tru dla Pêsc. (pablo)
Galaria retrac
View the embedded image gallery online at:
https://www.lausc.it/valedes-ladines/val-badia/16493-a-crep-cun-le-vesco#sigProIdbf58afe698
https://www.lausc.it/valedes-ladines/val-badia/16493-a-crep-cun-le-vesco#sigProIdbf58afe698