La Usc di Ladins

"Vire la munt" respetivamënter "L’ert dl chît" é i titui dles döes esposiziuns, i artifices é badioc: Matteo Agreiter y Roberto Pallestrong.

Vire la munt  
Nia danter cater mürs, mo te n post magich, prësc sureal, sön le Valun dan la ütia Franz Kostner, él da odëi la mostra de fotografies intitolada "Vire la munt" de Matteo Agreiter. Dales trëi parores dl titul pón bele se impensé ci che i retrac rapresentëia. Le vire la munt o le vire sön munt pó se mostré te deplü fassëtes che le fotograf jonn da Corvara é sté bun da cöie y pié te sües mius formes, corusc y espresciuns. 
Dal’enfanzia incá vírel d’isté sö insom al Valun, dessigü él ince sté l’ambiënt che zënza parores o gran spligaziuns ti á insigné dër tröp — da ci che al é deventé al raport strënt che le liëia cun la natöra. Ci che le rapresentëia é propi chësc: les munts, la natöra y le vire alaleria.
....

The art of QUIET... L’ert dl CHÎT
"Le chît é le lingaz dles sensaziuns che i sintiun daite, ma te ël pón se ciafé instësc", tres chësc zitat él gnü inauguré sön Boé la cuarta mostra de ert y scoltöra de Roberto Pallestrong, artist de Badia.
Adöm a Movimënt y ai ostis dla ütia da munt dl Boé al metü fora ince en chësc ann operes te n post olache la natöra é n scenar spetacolar, na paladina olache le tema prinzipal dla mostra vëgn a löm. Le chît dla contrada da munt, le chît che i sintiun daite y ince la sensaziun che an á porvé tratan la gran stlüta, les emoziuns che te sintes canche te stlüjes i edli y la liberté azica tüa anima – chësc é le messaje che les operes de ceramica y les fotografies trasmët, por podëi se moscedé cun l’interpretaziun personala de vigni spetadú y spetadëssa. I retrac, n’atra gran pasciun de Roberto, é na vijiun personala da rapresenté i detais y i particolars de nosc monn.
....

Liéde do deplü tla ediziun atuala de La Usc di Ladins, gnüda fora inier!


 (Iaco Rigo)