La Usc di Ladins

L’ann 2020 é sté suradöt por les porsones che adora guern y assistënza n ann dër ri, y por sü familiars dër sfadius. La tëma da se taché le Covid y la malsegurté por le dagní á caraterisé la vita de düc por tröc mëisc alalungia.
Por les colaboradësses y i colaboradus dl sorvisc dl’Assistënza a ciasa dla Comunité Comprensoriala Val de Puster é sté chësc tëmp turbolënt y plëgn de desfides. Les desposiziuns che se mudâ tresfora y les tenjiuns tles families di assistis á porté deplü colaboradus al limo dla soportanza. Porimpó él tres gnü ciaré da porté tles ciases n pü’ de speranza y confort y da ti sté dlungia ales porsones te chësc momënt, olache i contac soziai messâ gní limitá. Tröpes families á dër aprijé chësc impëgn che ti á dl ater vers indô scinché motivaziun ai operadus y á daidé alisiré situaziuns pesoces desvalies.

Val Badia: 160 assistis
Al é porchël interessant da odëi che ince sce les desfides é stades dër granes, é le numer di assistis te Puster passé dai 900 tl 2019 ai 960 tl 2020. Tla Val Badia é la zifra romagnüda feter anfat: 163 n êl tl 2019 y 160 porsones án assistí tl 2020. L’assistënza ales porsones singoles á messü gní smendrida al minim che messâ ester y de conseguënza n’án nia podü tó sö domandes nöies.

Deplü podëise lí t’La Usc di Ladins di 30 de messé